Michel Jas , lo  pastor novèl de Carcassona e Narbona arriba de Montpelièr e a trabalhat l'implantament cathar a l'èst de la zòna acceptada de costuma; doncas Narbona (Besièrs tanben al sègle XIV), foguèt tocada tant mai per lo catarisme.

Liura  aici un  tèxte novèl tirat de son  obratge darrièr, "Incertitudes, les cathares à Montpelièr,IEO -2007".

Extrach del libre de Michel Jas. 

Lo primièr pastor, nomenat en 1560, de la Glèisa reformada de Montpelièr s’interessava als catars.

Dins son Istòria dels Albigéses (Genèva 1595) lo pastor de Montpelièr recobra los Albigéses en favor de la causa protestanta dusqu’a en faire los adèptes d’una succession apostolica tota teologica e non materiala çò que evidentament desvia o deforma la  pensada  vertadièra del catarisme istoric («aucuns historiens font mention de leurs diacres & Eveques (…) Quand a ce qu’aucuns ont ecrit, que les uns estoyent nommés parfets, & les autres croyans ou fideles, c’estoit que les uns estoient plus avancés en la cognoissance de la verité & plus fermes en la foi que les autres, à raison de quoi on appelloit ceux la parfets, come S.Pol parle aux Phil.chap.3.vers.15… ») !

Que deurián pensar los legeires uganauds davant l’Istòria dels Albigéses ?

A entendre declinar la lista longa de las ciutats assetjadas mencionadas, traversadas per las fòrces antagonistas, represas o resistantas : Marmanda, Avinhon, Agen, Carcassona, Belcaire, Limós, e.c.a, quin deuriá èsser lo sentiment dels Uganauds quand, a l'epòca, l’enjòc politic entre « papistas » e « prétendus Réformés » rivalizava amb lo debat , contèsta religiosa ? Perioda ont jà l’implantament massiu, duradís e fòrt de la Reforma marcava essencialament lo Mièjorn de la França sus los relaissets Sud del Massís Central.

La precision de Chassanion esclara aquel enjòc geo-politic :

« Quand aux Comtes & Vicomte de Beziers, ce n’a pas esté pour la religion, mais pour la region, qu’on s’est attaqué à eux, pour avoir leurs terres & seigneuries, sous couleur de se venger d’eux, de ce qu’ils soutenoient & favorizoient les Albigeois, au dire de leurs ennemis. Il pouvoit bien estre qu’ils n’estoient guieres assotés de toutes ces ceremonies Romanesques, & qu’ils s’en moquoient : peut estre aussi qu’ils n’approuvoient point les plus grossieres abusions de l’Eglise Romaine lesqueles contrarient notoirement à l’Escriture saincte ; & qu‘en ces choses ils s’accordoient avec les Albigeois : neantmoins ils se sont toujours rendus sujets au Pape, se sont szervis au plus fort de leurs affaires de ses absolutions & indulgences, & sont allés à Rome, come à leur dernier refuge pour lui faire homage, & se prosterner à ses piés. »

Per legir la seguida, confer : Michel Jas Incertitudes les cathares à Montpellier, IEO Béziers 2007.

*

****

*

Michel Jas

Incertitudes cathares en Narbonnaise

Les derniers cathares étaient de Thau, d’Agde ou de Montpellier

I aviá una font a Montpelièr davant la presenta dintrada del Cemèntari actuel dels protestants  de Montpelièr : la font de Preveirargues.

E, prèp d'aquela font, èra una reclusa beguina que deviá mendicar sa noiridura e pregar per los viatjaires que arribavan als abòrds de Montpelièr (uèi, linha 2 del tram) en vista del convent des Fraires-Minors a l’exterior de las parets (que devendrà lo Temple protestant aprèp la Revolucion, puèi un garatge, e, fin finala lo " Rockstore")…

Èra al sègle XVe. Montpelièr aladonc èra una vila encora plan rica. Aquela beguina pas coma las autras s’apelava Catarina Sauba de Thau ...

Foguèt denonciada e condamnada puèi cramada coma eretica … Las autras beguinas e beguins de Provença e Lengadoc exageravan las posicions franciscanas : l’origina del culte e de la legenda de sant Roch se restaca a aquela espiritualitat. Catarina SAUBA manifesta, ela, de qualques escaufits del catarisme darrièr o tardiu:

- Negacion de l’eficacitat sacramentela del baptisme : « que los enfans que moron apres lo baptisme, davant que aion crezensa, non son salvatz, car non crezon ».

- Refus de la iérarquia catolica dempuèi que ven pas  plus de Dieu : « que non ya agut veray papa, cardenal , avesque ni capela, depueys que la election del papa non ses facha per miracle ».

- Idealisme radical pertocant l’apartenéncia a la Glèisa (catolica) : « que la glieysa catholica consestis solamen en los homes et en las fennas tenens la vida dels apostols, e qui mays volen morir que offrendre Dieu, e totz los autres sun foras de la glieysa ».

- Idealisme radical pertocant le baptisme : « que lo baptisme que es donat per malvases capelas non aprofecha a salut ».

- Refus de la transsubstanciacion e de l’adoracion sacramentela : « que los malvatz capelas non podon consacrar lo cors de Crist, prepauzan que digant las paraulas sacramentals, e que ela non adora lostia consacrada de capela, car non crezia que aqui fos lo cors de Crist, e que ela non adora lostia consacrada de capela, car non crezia que aqui fos lo cors de Crist ».

- Refus de la confession : « que confessar al capela non es nessessari, car suffis se confessar à Dieu, et que aytant val se confessar ad hum prodom layc coma al capela ».

- L’acte sexual es pecat mèmes dins l'encastre del maridatge : « que marit et molher non podunt entre elos rendre lo deute de natura senes peccat, per que, si non sen penedon, sean damnatz ».

- Refus del purgatòri altrament que dins aquela vida : « que apres aquesta vida non sera purgatori, mas tan solamen en aquesta vida».

Per legir la seguida, cf : Michel Jas - Incertitudes, les cathares à Montpellier, IEO Béziers 2007.

Revirada en occitan per Jòrdi d'Olmièras amb la permission amistosa de l'autor